Sunday, October 26, 2008

Ka u duhtak!

Ka u han ti ila; keima u pawh ni bik chiahlo; kan thian ho u hmangaihna leh dawhtheihna a khat kum rei tak ka hmuh tawh lo chu thiante nupui neih azarah ka hmu leh hlauh mai lung ati leng ngei mai, kan nun hlui liam tate hi sawichhuah tlak loh tam mahse ngawihbo pui mai chi anilo.
Thangkhatlian liamta amah nen a kan in tawn hma chuan Shillongah Sankardev College ah BA thleng a zir a; an hotute thiam loh vang pawh ni chuanglo in chu College chu a tlawm ban thak a, St Anthony College ah in sawn leh a,chu college ah pawh chuan an zirtute lam an beidawng ve thung!mahse ka u ala beidawngve lo Bedding hlui lam ung khek khawk nen an awmna Zampui Tripura atrang ke ngat lo kalin; Zawlnuam atrang a Phaileng thleng Tractor hnung ah tukverh bula thu chungin engtin tin emaw Aizawl alo tleng a;Chu a tractor chuan na chairman chuan motor a tan changa a nam chak vang liau liauin chuan man arawn free nghe nghe,(Tractor chairman tih hi ama sawi dan ania Driver tih na ani e!).
Beidawngve ngailo ka u chuan Hrangbana college ah Shillong lam a alo vahvaih pui tawh Second year BA Mark Sheet zawr hniang mai nen chuan Pu Zatlaia Kha tih lai HBC principal hnenah khan BA lak a tlawm a tum loh zia leh tumruh na famkim nen a thuam anih thu hrilh chungin ahan in admit thei hram a.
Tin, heti hi ani a chung hun lai chuan ka parawl a, rem chan zawkna avang khan min rawn finve a, Vawikhat chu lammualah sawn in khel kan en dun alawm mawle; a hmuhnawm vanglai takin haw arawt ta tlat mai a! main gate kan chhuak chuah chu "Hmel hriat tiang lai ah i nei em?ka ek a chhuak lutuk" tih pahin hmanhmawh tur in min tur sek sek mai a,ka hmel hriatte inah kan han lut a, an ek in kha in hnuaiah daih alo awm si,chahbi nen hman hmawh mang kheng hian achhuk thla a darkar chanve hnuah pawh ala rawn chho lo; keia ngaih thalo chuan ka zu en pek! Savun pheikhawk bunin Under pant chuah hain alo ding teu mai a,"Ka nau iva lo chhuk harve ka thleng zo nganglo ani"an ti mai chu'h! khawvela nuih za in sumngai ka tawn tawhah ala harber mai awm e, Taxi kanla a kan taxi pu kha chuan engrim emaw chu ahria ani, a sawingam silo ka u kava en thin; a serious tlat tawh mai si, tuma hnena sawilo tur a thu ka tiam zante tak kha ava ngaih awm tak em....
Vawikhat pawh thiante ho anlo leng a kan lemsek a, a duhlo chung kan peve pek alawm mawle, mahni ta theuh show tur kha kan ti a, anaute ho khan kan show liam liam a, ka u hun kha alo thleng ve ta, a hrehngang mai a; atawpah, dum chilchial nalhlo zet mai hi arawn phawrhve ta alawm ! let tawp tawp khawpin kan han nui pek anih kha, amah lah chuan chuti tak in lawm chuan in duh duh hunah inen dawn nia ala ti zui.
Zingkhat chu rawng kan bawl dawn a chawhmeh kanlo neilo alawm mawle, "Bazar ah lei tur dang ka nei a, kava kal ange" ati a. chhun darsawm pahnih rik pawh khan alo lang thei reng reng lo mai a thenawm ten an chahve si, ani thian te nen an in hmu a; len puiah an lo sawma; duh ai rei a leng chu lo niin, a chawhmeh lei kha miin ah an dah a; an dahna kha ala kalna ngai loh veng ber kher lo niin, a hai a alo zawng zek zek mai, tlai dar thum ah in arawn thleng thei hram anih pek kha, ka u khan an chawhmeh dahna in kha ankawt a car varah khan alo chhin chhiah chu niin, chu car lo khalh bo tu chu velh hrep mai kha aduh pek a, kanva hlim dun thin tak em!
Khang hun lai khan phone te ala tha mang silo a, a chhungte zampui ah an awm daih si,
a pawisa neilo mangang khan a u (Tripura civil service)kha thir hrui ava thawn alawm mawle. Lekha zawrzet ah hian a copy hi arawn hum haw tut mai a. kan chhiar sakmai chu'h "Ka u ka paten pawisa urgent in min rawn thawn rawhse, min thawnlo anih chuan an fapaah min ngai tawh suhse, i motor khan ka ruang chu kan inah thlen ngei ang che" tih mai te hi ani in ka hria, akar leh a chuan pawisa chu alo thleng ve mai a, bawngsa hi a rawn lei haw a chingit nen an chhum pawlh anih kha!!! amah pawhin a eilo keipawn ka eilo thenawmte kan pe anni pawn an ei chuanglo,biakpawh minbe duhlo.
Chuti chuan BA chu an exam ta Tlaikhat chu achal arawn beng haw thak thak mai a,"Nakumah ka tih that leh angai dawn anih hi" ati ta mai a,result alo chhuak a Subject khat kha a ba tareng a, chumi subject bat exam nghak chuan kan awmdun ta zel a, chunglai chuan alawm nula hang ngaihno bei zunah an uai teh reng anih kha, he thua hranpain kanla sawi ang.
Ka u hian BA chu a tumruh vang liau liau in kum5 chhung in azo ve tahram a,(chunglai chuan BA hi kum hnih zir ani thin, ka u kha chuan a uluk em ani) chuan ka u chu Mizoram kilkhawr khaw lianvetakah hian kohhran sikulah zirtir hna thawkin a awm a, nupui aneive tak hnu kum thumah pawh fa anla neih loh avangin Aizawl civil Hospital ah an nupa a an in entir ka hmu a,"Ka nau tuma hnenah sawilo la kei ma dik loh ani,damdawi pawh min chawhlo; Doctor in min counscelling a natukah kan haw dawn" atih hnu kum khat ah fapa duhawmtak an neive ta tih ka lo hria a ka lawm pui hle mai. Chuan nimin piah mai khan ka u Asst. Headmaster nen chuan kum sawm chuang kan in hmuh tawhloh hnuah thla kanla dun ta ani.

1 comment:

Anonymous said...

Test